Tag Archives: தமிழ்ப்பதிவுகள்

கூகுள் திரட்டும் தமிழ்ப்பதிவுகளைக் கண்டு கொள்வது எப்படி?

கட்டற்ற தமிழ்க் கணிமை குழுவில் கூகுள் திரட்டும் தமிழ்ப் பதிவுகள் குறித்து ஒரு உரையாடல் வந்தது. அதில் கிடைத்த தகவல்:

http://www.google.com/blogsearch?as_q=.&num=100&lr=lang_ta&safe=active

என்ற முகவரிக்குப் போனால் கிட்டத்தட்ட தமிழில் எழுதப்பட்டு கூகுளால் திரட்டப்படும் அனைத்துப் பதிவுகளையும் பார்வையிடலாம். இம்முகவரிக்கு ஓடை முகவரி உண்டு என்பதால் நாம் கூகுள் ரீடர் மூலமும் இதைக் கண்காணித்து வரலாம்.

http://www.google.com/blogsearch?as_q=.&num=100&lr=lang_ta&safe=active&q=.&ie=UTF-8&scoring=d

முகவரியில் இதே முடிவுகள் தேதி வாரியாக காட்டப்படுகிறது.

தமிழ்ப்பதிவுகள் புதுப்பிக்கப்படுவதை உடனுக்குடன் அறியவும் புதிய பதிவுகளைக் கண்டு கொள்ளவும் உதவும். ஆனால், ஒரே குறை, தரம் பார்க்காமல் தமிழில் என்ன குப்பை எழுதப்பட்டிருந்தாலும் அள்ளிக் கொண்டு வரலாம்!

இது பல குறுக்கு வழிகளில் ஒன்று தான் என்று நினைக்கிறேன். இன்னும் மேம்பட்ட குறுக்கு வழிகள் இருக்கலாம் 🙂 உங்களுக்கு ஏதும் தெரிந்தால் சொல்வீங்க தானே? 🙂

அன்புடன்
ரவி

புதிய பங்களிப்பாளர்களை வரவேற்கிறோம்

எங்கள் கொள்களைகளுடன் உடன்படும் அனைவரையும் மாற்று! தளத்தில் இடுகைகளைப் பகிர்ந்து கொள்ள வரவேற்கிறோம்.

மாற்று! பங்களிப்பாளர்கள் தங்கள் விருப்ப வலைப்பதிவுகள், தளங்களை கூகுள் ரீடர் மூலம் படிக்கிறார்கள். தாங்கள் படித்ததில் விரும்பியவற்றை மாற்று! தளத்துடன் பகிர்ந்து கொள்கிறார்கள். இது முழுக்க தன்னார்வலப் பங்களிப்பு. நீங்கள் விரும்பும் நாட்களில் விரும்பிய அளவு பங்களிக்கலாம். பலருடைய விருப்பங்கள் ஓரிடத்தில் குவியும்போது தரம், சுவை, பயன் மிகுந்த இணையத் தமிழ் படைப்புகளைக் கண்டு கொள்ளலாம் என்று நாங்கள் நம்புகிறோம்.

மாற்றுக்குப் பங்களிக்க நீங்கள் வலைப்பதிவு வைத்திருக்கவோ பிரபல வலைப்பதிவராக இருக்கவோ அவசியம் இல்லை. நல்ல வாசகராக இருத்தலே போதுமானது. இலாப நோக்கற்ற இந்தக் கூட்டு முயற்சியில் உங்கள் ஒவ்வொருவரின் பங்களிப்பும் வாசகருக்குக் கூடுதல் பயனைத் தரும். பங்களிக்க விருப்பம் உள்ளவர்கள், இது தொடர்பான கேள்விகள் உள்ளவர்கள் tamilblogs.maatru at gmail dot com என்ற முகவரிக்கு எழுதுங்கள்.

இவற்றையும் பாருங்கள்:

* பங்களிப்பு வழிகாட்டி

* நிரலாக்கப் பங்களிப்புகளை வரவேற்கிறோம்

நன்றி.